Derrigorrezko Bigarren Hezkuntza lau ikasturtek osatzen dute, 12 eta 16 urte bitartekoak. 8:00etatik 12:10etara, eta 13:20etatik 15:10etara astelehen, astearte eta asteazkenetan; eta 8:00etatik 14:00etara asteazken eta ostiraletan.

Lehen Hezkuntzaren jarraipena den aldi honek helburu hauek ditu: gure ikasleek kulturaren oinarrizko ezagutzak bereganatzea, bereziki alderdi humanistiko, artistiko, zientifiko eta teknologikoei dagokienez; ikasketa-ohiturak eta lan-ohiturak garatzea eta finkatzea; goi mailako ikasketetan sartzeko eta lan-munduan txertatzeko prestatzea, eta gizartean herritar gisa dituzten eskubideak erabili eta betebeharrak betetzeko prestatzea.

Oinarrizko gaitasunen erabilera egokia funtsezkoa da askotariko gaitasunak garatu behar dituzten garai honetan, hala nola, gaitasun kognitiboa eta motorra, pertsonen arteko harremanak, gizarteratze gaitasuna eta izaera moral eta kritikoko gaitasunak. Hezkuntzari aplikatutako berrikuntzak, ikaskuntzarako tresna gisa, eginkizun nabarmena du gure ikasleen hezkuntzan.

Izan ere, Bigarren Hezkuntzako garaia erabakigarria da gure ikasleak etorkizuneko profesional moduan prestatzeko. Nerabezaroan aldaketa handiak gertatzen dira norbere buruarekin eta gizartearekin dugun harremanean. Horregatik, tutore taldearen konpromisoak, betiere Orientazio Departamentuaren aholkuak jarraituz, ikasleak ziklo berri horretara egokitzea bermatzen du, bai alderdi pertsonalari dagokionez, bizitzako galderei erantzunez eta izan nahi duten heldu bihurtzeko bidean lagunduz, bai hezkuntzari dagokionez, ingurune kontrolatu eta osasuntsu batean heziz. Ikasleen prestakuntza integralak garrantzi berezia hartzen du aldi honetan, eta horregatik dira gure hezkuntza-metodologiaren oinarriak, hain zuzen, eskolak berezkotzat hartu dituen balioetan oinarritutako prestakuntza eta bikaintasun akademikoa.

Ezagutza zientifikoa garatzea eta IKTak ikaskuntza prozesuan integratzea ikastetxeak bereziki zaintzen dituen oinarrizko premiak dira. Era berean, apustu argia egin dugu atzerriko hizkuntzak ikastearen alde (ingelesa, frantsesa) eta LHtik DBHra arte elebitasuna ikastegiaren barruan nahiz kanpoan bultzatzearen alde.